سەدر لە هەژماری خۆیدا لە تۆڕی كۆمەڵایەتیی (تویتەر) نووسیویەتی لە خوا بەزیاد بێت لەم هەڵبژاردنەدا بوونە خاوەن گەورەترین فراكسیۆنی پەرلەمان، بەڵام تەگەرەی زۆریان خستووەتە بەردەم. دەشڵێ ئەویش نایەوێت عێراق وەك ئێستا لەم دۆخە چەقبەستووییەی بەبێ حكوومەت بمێنێتەوە، تا دۆخی ئەمنی و ئابووری و خزمەتگوزارییەكان خراپتر نەبێت، هەلی دانوستاندندن دەداتە لایەنە سیاسییەكان جگە لە رەوتی سەدر، تا لەگەڵ “سێیەكی پەكخەر”دا ڕێك بكەون بۆ پێكهێنانی حكوومەت.
ڕێبەری سەدرییەكان ئاماژەشی بەوە داوە كە ئەم دەرفەتەی لە یەكەم رۆژی رەمەزانەوە بەكراوەیی دەمێنێتەوە تا نۆی مانگی شەوال، واتە ماوەی مانگێگ و نۆ ڕۆژیان پێدەدات بۆ ڕێككەوتن، دەشڵێ تا ئەو رۆژە دوعایان بۆ دەكات، داواشی لە رەوتی سەدر كردووە نە بە چاك و نە بە خراپ، نەچنە ناو ئەو بابەتەوە.