چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
ئیمانوێل ماکرۆن، سەرۆکی فەرەنسا بە فەرمی رایگەیاند، لە هەڵبژاردنەکانی مانگی داهاتوودا، دووبارە خۆی بۆ پۆستی سەرۆکایەتیی فەرەنسا بەربژێر دەکاتەوە.
ماکرۆن رۆژی پێنجشەممە بە نامەیەک بە خەڵکی وڵاتەکەی رایگەیاند، خۆی بۆ خوولی دووەمی سەرۆکایەتی بەربژێردەکاتەوە، کە ئەگەر سەرکەوتوو بوو، دەبێتە یەکەمین کەس لە ماوەی 20 ساڵی رابردوودا، دوو خوول لەسەر یەک، سەرۆکایەتیی فەرەنسا بکات.
خۆبەربژێرکردنەوەی ماکرۆنی تەمەن 44 ساڵ، شتێکی چاوەڕوانکراو بوو بۆ خەڵکی فەرەنسا، بەڵام بەهۆی شەڕی نێوان رووسیا و ئۆکراینا، ناچاربوو چەندین جار بڕیارەکەی دوابخات.
لە نامەکەیدا، ماکرۆن دەڵێت: “من بەربژێرم بۆ ئەوەی لەگەڵ ئێوە داهێنان بکەین و بە وەڵامێکی یکەگرتووی فەڕەنسی و ئەوروپی رووبەڕووی ئاڵنگارییەکانی ئەم سەدەیە ببینەوە. من بەربژێرم بۆ بەرگریکردن لە بەهاکانمان کە گرژییەکانی ئەم جیهانە هەڕەشەیان لێدەکەن
