بەڕێوەبەرایەتى تەندروستیی چەمچەماڵ بڵاویکردەوە، کەمێک پێش ئێستا لەئەنجامی پێکدادانی دوو ئۆتۆمبێل و بارهەڵگرێک لەسەر ڕێگای چەمچەماڵ ــ سەنگاو نزیک گوندی قەرەتامۆر، کەسێک گیانی لەدەستدا و پێنج کەسی تریش برینداربون و دانیشتوی رواندزن.
ئاماژەى بەوەشکردووە، ئەو کەسەی گیانی لەدەستداوە تەمەن (٤٠) ساڵە و دوای ڕێکارەکان لە سەنتەری فریاکەوتنی چەمچەماڵ، لەلایەن تیمی فریاکەوتنی خێرا ١٢٢ تەرمەکەی ڕەوانەی پەیمانگای پزیشکی دادی سلێمانی دەکرێ و بریندارەکانیش لەژێر چاودێریدان.