لە ئەندازیاریەوە بۆ فرۆشتنی کتێب

محمد مغریبی کە ناسراوە بە مغریبی لە ئێستادا لە بەیروتی پایتەختی لوبنان کتێب دەفرۆشێت، محمد نزیکەی شەش ساڵ لە بواری بیناسازیدا خوێندویەتی هەروەها چەندین وانەی لەو بوارەدا بە قوتابیان وتۆتەوە، جگە لەوەی سەردانی چەندین وڵاتی عەرەبی و ئەوروپی هەروەها ئەمریکای کردوە.

بەڵام دوای چەندین ساڵ کارکردن بڕیار دەدات کە دەستبکات بە فرۆشتنی کتێب و خوێندنەوەی کتێب لە لوبنان، محمد لە ئێستادا ماڵە بچوکەکەی وەک کتێبخان لێکردوە کە تیادا دەژی هەروەها کتێبیش دەفرۆشێت، لە بوارە جیاوازەکانی وەک ئەدەبی و زانستی و ئاینی و چەندین کتێبی جۆراو جۆری دیکەش.