چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
به‌رپرسێكى باڵاى ئه‌منى حكومه‌تى هه‌رێمى كوردستان ئاشكرایده‌كات، ئه‌و چه‌كدارانه‌ى داعش كه له‌زیندانى حه‌سه‌كه هه‌ڵاتن، به‌شێكیان خۆیان گه‌یاندۆته خاكى عێراق‌و تواناى دروستكردنى كێشه‌یان له‌عێراق هه‌یه.
لیوا عه‌بدولخالق ته‌ڵعه‌ت نوێنه‌رى حكومه‌تى هه‌رێم له‌ئۆپه‌راسیۆنه هاوبه‌شه‌كانى عێراق به‌ده‌نگى ئه‌مریكاى وتوه، “ئه‌و چه‌كدارو زیندانیانه‌ى داعش كه له‌حه‌سه‌كه هه‌ڵاتون، به‌شێكیان توانیویانه خۆیان بگه‌یه‌ننه عێراق‌و ده‌شتوانن كێشه دروستبكه‌ن له‌ناو خاكى عێراقدا”.
ئه‌وه‌شى باسكردوه، كێشه‌كان زیاتر بۆ ناوچه‌كانى عێراقه، هاوكات پێكنه‌هێنانى حكومه‌تى نوێى عێراق‌و كشانه‌وه‌ى هێزه شه‌ڕكه‌ره‌كانى ئه‌مریكاش هۆكارى هه‌وڵدانى داعشه بۆ هێرش‌و په‌لامارى زیاتر.
لیوا عه‌بدولخالق ته‌ڵعه‌ت ئوه‌شى وتوه، “داعش ناگه‌ڕێته‌وه سه‌رده‌مى هێزى خۆى‌و ناوچه‌یه‌ك بخاته ژێر كۆنترۆڵى خۆى، به‌ڵام تواناى دروستكردنى كێشه‌یان هه‌یه”.
