چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
سه‌رۆك مه‌سعود بارزانی په‌یامێكی له‌باره‌ی هه‌ندێك لێدوان بڵاوكرده‌وه، كه له ماوه‌كانی رابردوو له هه‌ندێك میدیا و تۆڕه كۆمه‌ڵایه‌تییه‌كان بڵاوكراونه‌ته‌وه و وه‌ك هه‌ڵوێستی فه‌رمیی پارتی لێكدانه‌وه‌یان بۆ كراوه و دووپاتیكرده‌وه، ئه‌و لێدوانانه هه‌ڵوێستی راسته‌قینه‌ی پارتی دیموكراتی كوردستان نین و تەنها لێدوانی گوتەبێژی فەرمیی پارتی گوزارشت له سیاسەت و هەڵوێستی فەرمیی پارتی دەكات.
ده‌قی په‌یامه‌كه‌ی سه‌رۆك مه‌سعود بارزانی:
بەناوی خودای بەخشندە و میهرەبان
لە ماوەی رابردوودا لە راگەیاندن و تۆڕە كۆمەڵایەتییەكان هەندێ لێدوان و بۆچوون بڵاوكراونەتەوە، كە زۆرجار وەك هەڵوێست و رای پارتی دیموكراتی كوردستان لێكدانەوەی بۆ كراوە.
لێرەدا بە گشت لایەك رادەگەیێنین كە هەر جۆرە لێدوان و بۆچوونێكی لابەلا و لەژێر هەر ناو و نیشانێك بێت، پەیوەندی بە سیاسەتی پارتییەوە نییە و، با وەك رای فەرمیی پارتی دیموكراتی كوردستان هەژمار نەكرێت.
تەنیا، لێدوانی گوتەبێژی فەرمیی پارتی دیموكراتی كوردستان تەعبیر لە سیاسەت و هەڵوێستی فەرمیی پارتی دیموكراتی كوردستان دەكات.
مه‌سعود بارزانی
11ـی كانوونی دووەمی 2022
