چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
مه‌سرور بارزانی، سه‌رۆكی حكومه‌تی هه‌رێمی كوردستان خۆشحاڵی خۆی به هه‌ڵوه‌شاندنه‌وه و ده‌ستگیركردنی شانه‌یه‌كی تیرۆرستی سه‌ر به رێكخراوی داعش له‌لایه‌ن ده‌زگا ئه‌منییه‌كانی كوردستانه‌وه راگه‌یاند.
له تویتێكدا له هه‌ژماری تایبه‌تی خۆی، مه‌سرور بارزانی، سه‌رۆكی حكومه‌تی هه‌رێمی كوردستان نووسیویه‌تی: “جێگای خۆشحاڵییه بۆ من كه له ده‌زگا ئه‌منییه‌كانمان گوێبیستی ئه‌وه بووم، كه له هه‌ڵوه‌شاندنه‌وه‌ی شانه‌یه‌كی تیرۆرستی سه‌ر به رێكخراوی داعش سه‌ركه‌وتوو بوون، كه هه‌ڕه‌شه‌یه‌كی راسته‌قینه‌ن بۆ سه‌ر هه‌ولێر”.
هه‌روه‌ها دووپاتیكرده‌وه، “پێویسته هه‌موومان سوپاسی ئه‌و كار و ماندووبوونه‌ی ئه‌وان بكه‌ین، كه له پێناو هێشتنه‌وه‌ی خێزانه‌كانمان و كۆمه‌ڵگاكه‌مان به پارێزراوی له هه‌ڕه‌شه‌كانی تیرۆرستان ئه‌نجامی ده‌ده‌ن”.
