چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
تەندروستى جیهانى نیگەرانە لە شەپۆلێکى نوێى کۆرۆنا و پێشبینیش دەکات تا مانگى سێى ساڵى داهاتوو، نیو ملیۆن هاوڵاتى ئەورپى بە کۆرۆنا گیانلەدەستبدەن.
هانس کلۆوغ، بەڕێوەبەری هەرێمی رێکخراوى تەندروستى جیهانى رایگەیاند: بەقوڵى نیگەرانین لەبارەى بڵاوبونەوەى شەپۆلێکى نوێى کۆرۆنا.
هۆشداریدا کە نزیکەی نیو ملیۆن مردنی نوێ تا مانگی ئازارى داهاتو تۆمار بکرێت، ئەگەر کاری بەپەلە ئەنجام نەدرێت.
لەبارەى تەشەنەکردنى ڤایرۆسەکە، کوغ ئاماژەى بەوەکرد کە گۆڕینى وەرز و ناڕێکى لە وەرگرتنى پێکوتەى کۆرۆنا، هۆکارى سەرەکین لە بەرفراوانبونى ڤایرۆسەکە.
