چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
ماڵپەڕی odditycentral لەهەواڵێکدا باسی لەوەکردووە پیاوێکی میسری لەدوای تەنها یەک مانگ لە هاوسەرگیری لەگەڵ خێزانەکەیدا داوای جیابوونەوەی لێ کردووە بەهۆی ئەوەی نەیتوانیووە لەگەڵ ڕوخساری دا ڕابێت بەبێ ماکیاژ.
ئاماژەی بەوەش کردووە، یەکترناسینیان لەڕێگەی فەیسبووکەوە بووە و ژنەکە بەردەوام وێنەی سەرنجڕاکێش و جوانی خۆی دانەوە و پاش چەند چوونەدەرەوەیەک پێکەوە پیاوەکە بڕیاریداوە هاوسەرگیری لەگەڵدا بکات و کێشەکە لەدوای ئەوەوە سەری هەڵداوە کە یەکەم بەیانی لەدوای ئاهەنگەکەیان پیاوەکە ژنەکەی بینیووە بەبێ ماکیاژ.
پیاوەکە باسی لەوەکردووە کاتێک ڕوخساری ژنەکەی بینیووە شۆک بووە چونکە بەتەواوی جیاوازبووە لەوەی لە وینەکاندا بینیوویەتی و ڕووبەڕوو بینیوویەتی ئەو چەند جارە و هەر بۆیە داوای جیابوونەوەی کردووە چونکە بە قسەی خۆی هەڵخەتێندراوە بە ماکیاژە زۆرەکەی ژنەکەی کردوویەتی.
هاوکات ئەمە کەیسێکی نوێ نییە و پێشت چەند جارێکی دیکە چەندین کەیسی هاوشێوەی ئەمەڕوویداوە و لە ساڵی ٢٠١٦دا پیاوێکی خەڵکی ئیماڕات بە هەمان هۆکار ویستویەتی لە ژنەکەی جیاببێتەوە.
