ئەنجومەنی سەركردایەتی یەكگرتووی ئیسلامی كوردستان كۆبۆوەو بڕیاریدا لەكۆتایی ئەم مانگەدا، كۆنگرەی حەوتەمی یەكگرتووی ئیسلامی كوردستان ساز بكات.
بەپێی هەواڵێكی میدیاكانی یەكگرتووی ئیسلامی، ئەمڕۆ شەممە 7/5/2016 ئەنجومەنی سەركردایەتی یەكگرتووی ئیسلامی كوردستان كۆبوونەوەی ئاسایی خۆی ئەنجامداو تیایدا بەفەرمی وادەی بەستنی كۆنگرەی حەوتەمی یەكگرتووی ئیسلامی كوردستانیان راگەیاند كە وابڕیارە 27 و 28 ی ئەم مانگە كۆنگرەی حەوتەمی یەكگرتوو ئەنجام بدرێت و هەر ئەمڕۆش لیژنەی ئامادەكاری كۆنگرە پێكهێنرا كە ژمارەیان 7 كەسە و لەسبەینێەوە دەستبەكاردەبێت.
بەپێی هەواڵەكان، تائێستا 4 كاندید پاڵێوراون بۆ پۆستی ئەمینداری گشتی یەكگرتووی ئیسلامی كوردستان، ئەوانیش هەر یەكە لە محەمەد فەرەج ئەمینداری ئێستاو سەڵاحەدین بەهادین ئەمینداری پێشووی یەكگرتوو و محەمەد رەئوف سەرۆكی ئەنجومەنی سەركردایەتی و ئەبوبەكر كاروانی ئەندامی سەركردایەتی یەكگرتوو خۆیان كاندید كردووە.
بەپەلە
ئەنجوومەنی وەزیران: ئەرکی دەستووریی حکوومەتی فیدڕاڵییە کە تەواوکاریی مووچەی مانگی دوو و تەواوی مووچەی مانگی سێ بنێرێت
ئەمڕۆ چوارشەممە 3/27، بە سەرپەرشتی مەسرور بارزانی، سەرۆکوەزیران و ئامادەبوونی قوباد تاڵەبانی جێگری سەرۆک وەزیران، …