چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
پێش كەمێك شیروان دووبەردانی پەرلەمانتاری پارتی لە پەرلەمانی عێراق رای گەیاند شاندی هەرێمی كوردستان و لایەنە شیعەکان لەسەر پشکی هەرێمی كوردستان لە بودجەی عێراق گەیشتنە رێککەوتن.
شێروان دووبەردانی راگەیاند كە لایەنە شیعەکان و شاندی هەرێم لەسەر دەقێکی نوێ کە لە بەرەژەوەندیی هەرێمی کوردستان و عێراق بە گشتییە رێککەوتوون.
راشیگەیاند بڕیار دراوە دەنگ لەسەر ئەو دەقە لە پەرلەمان بدرێت و تەواوی لایەنە کوردستانییەکان هاوڕابوون لەگەڵیدا.
لەمبارەوە بەشیر حەداد جێگری سەرۆکی پەرلەمانی عێراقیش رای گەیاندووە كە رێککەوتنەکە کراوە و هەنگاوێکی سەخت نراوە، دواتر دەبێت لیژنەی دارایی دەنگ لەسەر دەقەکە بدات، پاشان دەچێتە پەرلەمان و دەنگی کۆتایی لەسەر دەدرێت.
کۆبوونەوەی لایەنە شیعەکان و شاندی هەرێم کۆتایی هاتووە، بەڵام تاوەکو ئێستا بە فەرمی هەردوولا ناوەڕۆکی کۆبوونەوەکەیان ئاشکرا نەکردووە.
