چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
سەرۆکی نوێنەرایەتیی حکومەتی ھەرێمی کوردستان لە بەغدا ڕایگەیاند، سبەی شاندی حکومەتی ھەرێم سەردانی بەغدا دەکات و هەردوو پرسی بودجە و نەوت تەوەری سەرەکی کۆبوونەوەکان دەبێت.
فارس عیسا راگەیاند، بڕیارە سبەی شاندی باڵای حکومەتی ھەرێمی کوردستان، سەردانی بەغدا بکات و پرسی بودجەی هەرێم لە پڕۆژەیاسای بودجە و نەوت تەوەری سەرەکی گفتوگۆکان دەبن، دەشڵێت، ئەمجارە ئومێدی رێککەوتن هەیە.
ئاماژەی بەوەشکرد، ھەر کاتێک رێککەوتنی سیاسی لەسەر بودجە و نەوت کرا، دواتر ئەو رێککەوتنە لە پڕۆژەیاسای بودجەدا جێگیر دەکرێت، کە ئێستا کار بۆ ئامادەکردنی بودجەی ساڵی داھاتوو دەکرێت و کوردیش لە ئامادەکردنیدا بەشدارە
