چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
نهێنییه‌كی تری سۆران عومه‌ر په‌رله‌مانتاری كۆمه‌ڵی ئیسلامی ئاشكرا ده‌بێت كه ده‌ستی له كوشتنی برایه‌كی وه‌زیری ئێسته‌ی كاروباری كۆمه‌ڵایه‌تی حكوومه‌تی هه‌رێمی كوردستان هه‌بووه.
سه‌رچاوه‌یه‌كی ته‌ناهیی تایبه‌ت له سلێمانی، راگه‌یاند، دوای تیرۆركردنی “رزگار محه‌مه‌د عه‌بدوڵا” كارگێڕی مه‌ڵبه‌ندی ڕێكخستنی سلێمانی له ساڵی 1996، سۆران عومه‌ر ده‌ركه‌وتووه.
سه‌رچاوه‌كه ده‌ڵێ، “زۆر شایه‌تحاڵ هه‌ن كه دووپات ده‌كه‌نه‌وه سۆران ده‌ستی له كوشتنی رزگار هه‌بووه كه براگه‌وره‌ی كوێستان محه‌مه‌د وه‌زیری كار و كاورباری كۆمه‌ڵایه‌تی ئێسته‌ی حكوومه‌تی هه‌رێمی كوردستانه له پشكی گۆڕان.
سه‌رچاوه‌كه دووپات له‌وه ده‌كاته‌وه كه سۆران عومه‌ر یه‌كێك بوو له‌وانه‌ی له‌كاتی رووداوه‌كه‌دا به چه‌كه‌وه له به‌رده‌م مزگه‌وتی سه‌رچناردا بینراوه، به‌ڵام ده‌ركه‌وتووه كه تۆمه‌تباری سه‌ره‌كی نییه و ته‌نیا هاوكار بووه.
سۆران عومه‌ر په‌رله‌مانتاری ئێسته‌ی كۆمه‌ڵی ئیسلامییه پێشتر له‌ناو ئه‌نسار كاری ده‌كرد و وه‌ك تیرۆریست ناسراوه، هاوكات بكه‌ری سه‌ره‌كی كوشتاری خێڵی حه‌مه‌یه كه زیاتر له 40 پێشمه‌رگه‌ی یه‌كێتی له‌و رووداوه‌دا شه‌هید كرد.
