چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
دیدگا و دنیابینی رێزدار مەسرور بارزانی سەرۆکی حکومەتی هەرێمی کوردستان…
بۆ بنیاتنانی داهاتووی هەرێمی کوردستان مەسرور بارزانی لە ماوەی سەرۆکایەتی حکومەتی هەرێمی کوردستاندا، دیدگایەکی دیار و هەنگاو بە هەنگاو بۆ بنیاتنانی داهاتووی هەرێم پیشان داوە، دیدگایەک کە لە سێ بنەمای سەرەکی پێکهاتووە: حکومرانی باش، ئابووری بەهێز، ئاسایش و سەقامگیری.
مەسرور بارزانی حکومرانی خۆی لەسەر یاسا، دامەزراندن، شفافیت و بەرپرسیارێتی بنیات نراوە. لە تێفکرینی ئەودا:
- حکومەت دەبێت خزمەتگوزار بێت، نە حاکم.
- دامەزراوەکان دەبێت پێکهاتەیەکی یاسایان هەبێت.
- بنیاتنان دژ بە فەساد و بە هەدەردانی سامانی گشتی بە هەنگاوی پراکتیکی و بەسیستەمکردنی دامەزراوەکانی دەوڵەت، گەشەپێدانی سیستەمی دیجیتالی مووچە و داهات بۆ کەمکردنەوەی قەیرانە داراییەکان، هەوڵ بۆ چاکسازی کارگێڕی لە نێوان دامەزراوەکانی دەولەت.
لە دیدگای ئابووری و گەشەپێدان و دنیابینی مەسرور بارزانی، ئابووریی هەرێم نابێت تەنها لەسەر نەوت پەیوەست بێت، چونکە هەمەچەشن کردنی ئابووری پشتیوانی دەکرێت لە پیشەسازی، کشتوکاڵ، گەشتوگوزار، و بازاڕی تایبەت هەروەها هێنانی وەبەرهێنانی دەرەکی دڵنیا کردنەوەی وەبەرهێنەران بە یاسا و زامنکردنی ئارامی و ئاسایش، پەرەپێدانی ژێرخانی ڕێگا، فڕۆکەخانە، کارەبا، ئاوی خواردنەوە. پشتیوانی بۆ کشتوکاڵ و پیشەسازی ناوخۆیی بۆ دروستکردنی هەلی کار بۆ گەنجان.
ئاسایش و دیپلۆماسی و پەیوەندی نێودەوڵەتی، مەسرور بارزانی ئاسایش بە بنەمای گەشەی ئابووری و سەقامگیری سیاسی دەبینێت، پەیوەندی بەهێز لەگەڵ وڵاتانی دراوسێ و هاوپەیمانان، هەوڵ بۆ دۆزینەوەی رۆڵی هەرێمی کوردستان لە ناو هاوکێشە هەرێمی و نێودەوڵەتیەکان، پاراستنی ئارامی هەرێم لە کاتێکدا ناوچەکە پڕ لە شەرو قەیرانە هێنانی پشتیوانی سیاسی و ئابووری لە هەندێ وڵات و دامەزراوەی نێودەوڵەتی.
خولاسەی کەلام، دنیابینی سەرۆکی حکومەت بۆ داهاتووی هەرێمی کوردستان، دنیابینییەکی پراگماتیک و دامەزراوەییە
کە لەسەر ئەم ستونانە بەرێوەدەچێت:
» حکومرانی لەسەر بنەمای یاسا و شفافیت
» ئابووری جۆراوجۆر و بەهێز
» ئاسایش و دیپلۆماسی کارا
کۆتایی، دیدگای ئەو بنیاتنانی هەرێمێکی سەقامگیر، پێشکەوتوو و کەم پەیوەست بە نەوتە، کارکردن لە سەر پلان و ستراتیجیەتی دورمەودا.
کۆڤان عمر
