چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
مەسرور بارزانی، سەرۆكی حكوومەتی هەرێمی كوردستان لە تۆڕی كۆمەڵایەتیی (ئێكس) پیرۆزباییەكی بۆ پایای نوێی ڤاتیكان ناردووە و تێیدا هاتووە: بەناوی حکوومەتی هەرێمی کوردستانەوە، لە دڵەوە پیرۆزبایی لە قەداسەتی پاپا لیۆی چواردەیەم دەکەم بە بۆنەی هەڵبژاردنی وەک ڕابەری کڵێسای کاسۆلیکی لە سەرانسەری جیهاندا، هیواخوازین سەردەمی پاپایەتیی بەرێزیان پڕ بێت لە ئاشتی و گفتوگۆی نێوان ئایینەکان و ئاشتەوایی.
ئەمڕۆ ئێوارەی پێنجشەممە 8ی 5ی 2025، پاپای نوێی ڤاتیكان هەڵبژێردرا. ناوبراو كاردیناڵێكی ئەمریكیی تەمەن 69 ساڵە و ساڵی 1955 لە شیكاگۆی ئەمریكا لەدایك بووە.
ڕۆبێرت فرانسیس پرێڤۆست، دەبێتە یەكەم كەسی ئەمریكی كە پۆستی پاپای ڤاتیكان لە مێژوودا وەرگرێت.
