چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
بەخشینی دارایی مەسروور بارزانی سەرۆكی حكوومەتی هەرێمی كوردستان، بەردەوامە و بۆ مانگی سێ دەبەخشرێتە ئێزیدییانی ڕزگاربووی دەستی ڕێكخراوی تیرۆریستیی داعش.
بەخشینەكە دەستی پێ كردووە كە ناوچەكانی “خانكێ” و “شێخان” و “شاریا” و “دێرەلووك” لە دهۆك دەگرێتەوە.
هاوكات ئەو ئێزیدییانە بە فەرمانی سەرۆك وەزیران بوونەتە خاوەنی ناسنامەیەكی تایبەت، وەك بەڵگەنامەیەكی فەرمی بەكار دێت، لە داودەزگاكانی حكوومەتدا دەتوانن بەكاری بهێنن و ئاسانكاریی كاروبار و مامەڵەیان بۆ دەكرێ.
جێی ئاماژەیە كە بۆ ماوەی هەشت مانگە، سێ هەزار و 575 ڕزگاربووی دەستی داعش بەخشین وەردەگرن.
بەخشینی سەرۆك وەزیران بۆ ڕزگاربووانی دەستی داعش، هەموو ئەندامانی خێزانی ڕزگاربووی گرتووەتەوە و تەنانەت ئەوانەشی لە دەرەوەی وڵاتن هاوكارییەكانیان پێدەگات.
