چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
محەممەد سەڵاح ئەبو کریشە، ئەمینداری گشتی پارێزگاری دەقهليەی میسر لە کاتی ئەنجامدانی نوێژی جەژنی ڕەمەزان لە شاری مەنسورە توشی جەڵتەی دڵ بو، دوای گواستنەوەی بۆ نەخۆشخانە گیانی لەدەستدا. پارێزگاری شارەكەش وەک ماتەمینی بڕیاریدا ئاهەنگی جەژنی ڕەمەزان لە پارێزگاکە هەڵبوەشێنێتەوە.
میدیا عەرەبیەكان ئەمڕۆ دوشەممە بڵاویانكردەوە، محەممەد سەڵاح ئەبو کریشە، ئەمینداری گشتی پارێزگاری دەقهليە لە دەكەوێتە باكوری وڵاتی میسر دوای ئەوەی لە کاتی ئەنجامدانی نوێژی جەژنی ڕەمەزان لە شاری مەنسورە توشی جەڵتەی دڵ بو، گیانی لەدەست دا.
ئاماژەی بەوەشكرد، بەرپرسە میسرییە لە كاتی نوێژدا كەوتوە و ڕاستەوخۆ گوازراوەتەوە بۆ نەخۆشخانەی نێودەوڵەتی مەنسورە، بەڵام دواتر کۆچی دوایی دەكات.
دوابەدوای ڕوداوەکە تارق مەرزوک پارێزگاری دەقهليە، وەک ماتەمینی بۆ گیان لەدەستانی ئەمینداری پارێزگاكە، بڕیاریدا ئاهەنگی جەژنی ڕەمەزان لە پارێزگاکە هەڵبوەشێنێتەوە. هەروەها بڕیارە لە زێدی خۆی لە پارێزگای مینیا بە خاک بسپێردرێت و پرسەکەی لە شاری مەنسورە بەڕێوەدەچێت.
