نهێنی دەست لە سەرسینگ و سەر بەرەو خواركردنی شێخ نەهرۆ ئاشكرا بوو

شـێـخ نەهــــرۆ بۆچــی وا دەکـــا؟
(جەنابی کاک شێخ نەهرۆ) سەرۆکی تەریقەتی قادری کەسنەزانی لە جیهان، وەک لەوێنەکاندا دەردەکەوێت، لە زۆربەی دانیشتن و کۆڕ و کۆبوونەوە و جلیسەکاندا دەست دەخاتە سەر سنگی و هەندێجاریش لەگەڵیدا سەردادەنەوێنێت.
ئەوەندەی من ئاگاداربم و لە مەجلیسەکانیدا ئامادە بوومە، (جەنابی شێخ نەهــرۆ) بە دوو هۆکار دەست دەخاتە سەر سنگی و ڕێز دەنوێنێ، ئەونیش:
1- کاتێک ناوی (پێغەمبەر- درودی خوای لەسەر بێت) دەهێنرێت، ئەوا (جەنابی شێخ)، وەکو پیشەی هەمیشەیی و نواندنی ڕێز بۆ (پێغەمبەری نازدار)، دەست دەخاتە سەر سنگی و زۆربەی جاریش کەمێکیش سەر نەوی دەکات. ئەم جۆرە ڕێز نواندنە پێشتر لە هیچ کەس و پیاوێکی تری ئاینییم نەمبینیووە.
2- کاتێک (جەنابی شێخ نەهـرۆ) پێشوازی لە میوانان دەکات، دەست لەسەر سینە دادەنێت و بەڕێزەوە پێشوازییان لێدەکات، ئەمەش یەکێکە لە ئاکارەکانی داب و نەریتی کوردەواریی دروست و ڕەسەن کە لە دیوەخانی کوردەوارییدا پیاوە بەڕێز و کۆمەڵایەتییەکان لەکاتی پێشوازیکردنیان لە میوان، وەکو نواندنی ڕێز و خۆشەویستی دەست لەسەر سینە دادەنێن و پێشوازیی لە میوانان دەکەن…. پێشەوا شێخ ڕەوف.