چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
ڕۆژنامەوان و نووسەرێكی دیاری ڕۆژئاوای كوردستان، رەخنەی توند لە (پەكەكە) دەگرێت لەپای ئەو دۆخەی بەسەر گەنجانی كوردی ژێر دەسەڵاتی خۆیدا هێناوە.
دەشڵێ:” خودی جەمیل بایك و موراد قەرەیلان، دەستیان لە كوشتنی زۆر گەنجی كورددا هەیە، ئێران نایەڵێت پەكەكە لە شنگال دەربچێت، هەرچەندە نەوت لە شنگال نییە، بەڵام لەبەر ئەوەی شنگال لە ڕۆژئاوای كوردستانەوە بۆ قەندیل و سلێمانی وەك ڕێڕەوێكە.
باسیشی لەوە كرد كە: ”پەكەكە هەتا توانی، بۆ بەرژەوەندیی رژێمی سووریا خەباتی كرد! ئێمە نەماندەزانی پەكەكە ڕۆڵی گرووپێكی بەكرێگیراو لەگەڵ رژێمی سووریا دەگێڕێت“. بۆیە دەڵێت: ”پەكەكە پارتی كرێكارانی كوردستان نییە، پارتی كرێكارانی ڕژێمی تورك و پارتی كرێكارانی ڕژێمی سووریا و پارتی كرێكارانی كۆماری ئیسلامیی ئێرانە.
لە بەشێكی دیكەی ڤیدیۆكەدا، هۆشەنگ ئۆسێ هەندێك نهێنی لەبارەی زیندانەكانی پەكەكە ئاشكرا دەكات و باس لەوە دەكات، ”پەكەكە لە هەر شوێنێك بێت، زیندانی خۆی هەیە، لە زیندانەكانیدا دەیان گەنجی كورد هەیە، تەنانەت پەكەكە لە ئەورووپاش زیندانی نهێنیی خۆی هەیە.
