چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
ئەمینداری گشتیی وەزارەتی پێشمەرگە ڕایگەیاند، دواهەمین پڕۆژەی بوودجەی خەمڵێنراوی وەزارەتی پێشمەرگە بۆ ساڵی ۲٠۲۲ لەلایەن هەردوو تیمی وەزارەتەکانی پێشمەرگە و دارایی و ئابوری واژۆى لەسەر کرا.
بەپێی راگەیەنراوێکى وەزارەتەکە، جەبار یاوەر ئەمینداری گشتیی وەزارەتی پێشمەرگە ئەمڕۆ ۲۱ی ۱۱ی ۲۰۲۱ سەرپەرشتی کۆبوونەوەیەکی چەند کاتژمێری کرد لە نێوان تیمی وەزارەتی دارایی و ئابوری حکومەتی هەرێمی کوردستان و بەرێوەبەرایەتی گشتی ژمێریاری وەزارەتی پێشمەرگە و هەردوو یەکەی ژمێریاری هێزەکانی ۸٠ و ۷٠ ی هێزەکانی پێشمەرگە.
جەبار یاوەر وتى پڕۆژەکە دواى داڕشتنی وورد، گەیشتە دەرئەنجامی کۆتایی و لەلایەن هەردوو تیمی هاوبەشەوە واژووکرا، تا رەوانەبکرێت بۆ ئەنجومەنی وەزیرانی حکومەتی هەرێمی کوردستان بۆ پەسندکردنی.
