چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
وەزیری سامانەسروشتییەكانی حكوومەتی هەرێمی كوردستان ڕای گەیاند بەسێ قۆناخ نەوتی سپی دابەشدەكرێت لەسەر هاوڵاتیاندا، قۆناخی یەكەم گوندەكان و قۆناخی دووەم ناحیە و قەزاكان و قۆناخی سێیەم شارەگەورەكان دەبێت.
بەڕێوەبەرایەتی نەوت و كانزاكانی سلێمانی دەڵێ، سەرەتایی هەفتەی داهاتوو قۆناخی دابەشكردنی نەوتی سپی ماڵان دەست پێدەكەین،سەرەتا بۆ ناوچە شاخاوییەكان دەبێت.
بەڕێوەبەرایەتی نەوت و كانزاكانی سلێمانی ،پاش دابینكردنی بڕی پێویستی نەوت لەلایەن حكوومەتی هەرێمی كوردستانەوە بۆ ناوچە شاخاوییە ساردەكانی سنووری پارێزگاكانی سلێمانی و هەڵەبجە و ئیدارەی ڕاپەڕین بریارە رۆژی یەكشەممە 24/10/2021، پرۆسەی دابەشكردنی نەوت لە سنووری قەزای پێنجوێن دەست پێ بكات.
حکوومەتی هەرێمی کوردستان لەسەر تێچووی خۆی نەوتەکە دابەش دەکات، هەر ماڵێك 200 لیتر، کە دەکاتە بەرمیلێك نەوتیان پێ دەدرێت و نرخی هەر بەرمیلێک 55 هەزار دیناری عێراقی دەبێت.
