چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
له كۆبوونه‌وه‌ی لیژنه‌ی دارایی ئه‌نجومه‌نی نوێنه‌رانی عێراق، مادده‌ی یازده له پڕۆژه یاساكه كه تایبه‌ته به پشكی هه‌رێم له بودجه‌ی گشتی بودجەی گشتیی ئەمساڵی عێراق، په‌سه‌ند كرا ، هه‌رێمی كوردستان داهاتی دووسه‌د و په‌نجا هه‌زار به‌رمیل نه‌وتی رۆژانه و نیوه‌ی داهاتی نانه‌وتی راده‌ستی به‌غدا ده‌كات، به‌غداش دوازده پۆینت شه‌ست و حه‌وتی بودجه بۆ هه‌رێمی كوردستان ده‌نێرێت.
پشكی هه‌رێمی كوردستان له بودجه‌ی دووهه‌زار و بیست و یه‌كی عێراق دوا رێككه‌وتنی له‌سه‌ر كرا و به پێی رێككه‌وتنه‌كه هه‌رێمی كوردستان داهاتی دووسه‌د و په‌نجا هه‌زار به‌رمیل نه‌وتی رۆژانه به نرخی نه‌وت له كۆمپانیای سۆمۆ راده‌ستی به‌غدا ده‌كات له‌گه‌ڵ نیوه‌ی داهاته نانه‌وتیه‌كان .
دوای ئه‌و رێككه‌وتنه‌ش، سه‌رۆكایه‌تیی ئه‌نجوومه‌نی نوێنه‌ران و كه سه‌رۆكی فراكسیۆنه‌كان كۆبوونه‌وه.
ئێواره‌ی ئه‌مڕۆ سه‌رۆكی ئه‌نجوومه‌نی نوێنه‌ران محه‌مه‌د حه‌لبوسی له‌گه‌ڵ لیژنه‌ی دارایی ئه‌نجوومه‌نی نوێنه‌ران كۆبووه‌وه و له‌و كۆبوونه‌وه‌یه‌دا پشكی هه‌رێمی كوردستان رێككه‌وتنی له‌سه‌ر كرا و له پڕۆژه‌یاسای بودجه‌دا جێگیر كرا ، پشكی هه‌رێمی كوردستان له مادده‌ی یازده‌ی پڕۆژه‌یاساكه‌دا جێگر كراوه .
هاوكات راگه‌یه‌ندراوه كه لایه‌نه‌كانیش له‌سه‌ر بودجه رێككه‌وتوون و پێشنیازه‌كانیان جێگیر كراوه .
به پێی رێككه‌وتنی هه‌ولێر و به‌غدا، له به‌رامبه‌ر راده‌ستكردنی داهاتی دووسه‌د و په‌نجا هه‌زار به‌رمیل نه‌وتی رۆژانه و نیوه‌ی داهاتی نانه‌وتی له لایه‌ن هه‌رێمی كوردستانه‌وه، به‌غدا له‌سه‌دا دوازده پۆینت شه‌ست و حه‌وتی بودجه ره‌وانه‌ی هه‌رێمی كوردستان ده‌كات.
نێردراوی كوردستان تیڤی راشیگه‌یاند كه دوای رێككه‌وتنه‌كه سه‌رۆكایه‌تیی ئه‌نجوومه‌نی نوێنه‌ران و سه‌رۆكی فراكسیۆنه‌كان كۆبوونه‌وه .
