چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
بە پێی ڕاپۆرتێكی ڕێكخراوی چاودێریكردنی دیموكراسی ئەمریكا لە ڕیزبەندی جیهانیدا پاشەكشەیەكی زۆری كردووە لە بوارەكانی دیموكراسیەت و ئازادییەكانی تاكدا.
سارا ڕیبوچی جێگری سەرۆكی بەشی لێكۆڵینەوە و شیكردنەوە لە فریدەم هاوس ڕایگەیاند، لە بواری دیموكراسی و ئازادی تاكدا بە پێی ڕیزبەندی وڵاتەكان لە كۆی ١٠٠ خاڵ ئەمریكا توانیویەتی تەنها ٨٣ خاڵ بە دەست بهێنێت و هەر یەك لە سوید و نەرویج و فینلەنداش توانیوویانە خاڵی تەواو بەدەستبهێنن.
ئەوەشی ئاشكراكرد، ئەمریكا لە ساڵی ٢٠١٠ لە ڕیزبەندیەكەدا توانیویەتی ٩٤ خاڵ بە دەست بهێنێت، بەڵام ئەو ژمارەیە لە ساڵی ٢٠٢٠ دابەزیوە بۆ ٨٣ خاڵ، هۆكارەكەشی ئەو دۆخە ناهەموارانەیە، كە لە چەند مانگی ڕابردوودا ئەمریكا بەخۆیەوە بینیویەتی كە وەك قەیرانێكی گەورە دادەنرێت لە بواری پاشەكشەی دیموكراسی لەو وڵاتەدا
