چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
مەسرور بارزانی سەرۆكی حكوومەتی هەرێمی كوردستان رایگەیاند دەستەی وەبەرهێنان کۆمەڵێک مۆڵەتی کاری بە بەهای زیاتر لە دوو ملیار و ٥٦٠ ملیۆن دۆلار دەرکردووە، تا ئێستاش ١٠٠ مۆڵەتی پڕۆژەی گەورە دەركراون، لەگەڵ پەسەندكردنی ٥٥٦ پڕۆژەی وەبەرهێنان.
سەرۆكی حكوومەت لە هەژماری خۆیدا لە تۆڕی كۆمەڵایەتیی “تویتەر” بڵاوی كردەوە “لەم کابینەیەدا، دەستەی وەبەرهێنان کۆمەڵێک مۆڵەتی کاری بە بەهای زیاتر لە دوو ملیار و ٥٦٠ ملیۆن دۆلار دەرکردووە، ئەمانەش تەنها سەرەتایەکن بۆ ئەو پرۆگرامە بەرزەخوازەی ئێمە کە مەبەست لێی گەشەپێدانی کەرتی تایبەتە”.
هەروەها ئاماژەی بەوە داوە “لەم کابینەیەدا، دەستەی وەبەرهێنان کۆمەڵێک پڕۆژەی بە بەهای ١٢ ملیار دۆلار پەسەند کردووە بۆ سێکتەرەکانی پیشەسازی، نیشتەجێکردن، پەروەردە، گەشتوگوزار، وەرزش، بازرگانی، تەندروستی و کشتوکاڵ”.
مەسرور بارزانی ئەوەشی ئاشكرا كردووە كە تا ئێستا ١٠٠ مۆڵەتی پڕۆژەی گەورە دەركراون، لەگەڵ پەسەندكردنی ٥٥٦ پڕۆژەی وەبەرهێنان.
