چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
سوپای ئەمریکا لە بەرنامەیدایە لە ماوەی 12 بۆ 18 مانگی داهاتوو بایی 166 ملیۆن دۆلار هاوکاری سەربازی پێشکەش بە پێشمەرگە بکات، مانگانە خۆراک و سوتەمەنی دابین بکات و لە پێدانی مووچەی وەزارەتەکەش هاوکار بێت.
عەقید دەیڤ ویڵیامز، فەرماندەی ناوەندی هاوبەشی هاوئاهەنگیی هاوپەیمانیی نێودەوڵەتی لە هەرێمی کوردستان راگەیاند: “هاوکاری دارایی دەچێتە سەر مووچەی وەزارەتی پێشمەرگە کە حکومەتی هەرێمی کوردستان بڕێکی دەدات، بەمەشەوە مووچەی وەزارەتەکە زیاد دەبێت.”
جیا لە هاوکاریی دارایی، 7ی کانوونی دووەمی 2021 ئەمریکا 50 ئۆتۆمبێلی بارهەڵگر، 20 ئۆتۆمبێلی سەربازی، 12 ئامبوڵانس و 11 ئۆتۆمبێلی گولـلەنەبڕ لە رێوڕەسمێکدا رادەستی پێشمەرگە دەکات کە بایی 12 ملیۆن و 700 هەزار دۆلارە.
