چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
نەجات حەسەن، ئەندامی سەركردایەتیی پارتی رایگەیاند: ”ئیشی ئاراس جەنگی نییە قسە لەبارەی ئەو شاندە بكات كە حكوومەتی هەرێمی كوردستان دەینێرێتە بەغدا، حكوومەت سیاسەتی خۆی هەیە و دەزانێت كێ لە بەغدا نوێنەرایەتیی بەرژەوەندییەكانی خەڵكی كوردستان دەكات“.
بە پێویستیشیزانی، یەكێتیی نیشتمانیی كوردستان وەك بەشدارێكی سەرەكیی حكوومەتی هەرێمی كوردستان، ”وەڵامی ئەو تەعبیرە ئاستنزم و ناشرینەی ئاراس جەنگی بداتەوە، چونكە وەك پارتی وەڵامی كەسێكی بچووكی خیانەتكار نادەینەوە“.
ئەندامەكەی سەركردایەتیی پارتی جەختی كردەوە: ”ئێمە وەڵامی كەسە گەورەكان دەدەینەوە، وەڵامی ئەوانە دەدەینەوە كە پاشخانێكی شەرەفمەندانەی سیاسی و نیشتمانییان هەیە، نەك كەسێك بەرپرس بێت لە ١٦ی ئۆكتۆبەر“.
بە بڕوای نەجات حەسەن، ”ئاراس جەنگی نەخۆشە، نەخۆشییەكەشی ئەوەیە كە هەر لە دایك بووە، تامی خیانەتی كردووە و لەسەری پەروەردە بووە، ڕوونیشە كە خیانەتكار بەم ئاستە نزمەی ئەدەبیی هاوشێوەی ئاراس جەنگی باسی كەسانی نیشتمانپەروەر دەكەن. ئاراس لەگەڵ سیخوڕ و نەیارەكانی كوردستان دەستی تێكەڵ كردووە و لە داخی شكستهێنانی پیلانگێڕییەكانیشیان، هەر ئەوەیان بۆ ماوەتەوە لە میدیاكانیانەوە هێرش بكەنە سەر هەموو شتێكی باشی ئەم هەرێمی
