چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
ئەمڕۆ سێشەممە لە هەولێر نێچیرڤان بارزانى سەرۆکى هەرێمى کوردستان پێشوازى لە بافڵ تاڵەبانى هاوسەرۆکى یەکێتیى نیشتمانیى کوردستان کرد.
لە کۆبوونەوەیەکدا دوایین پێشهاتە سیاسییەکانى هەرێمى کوردستان و لێکەوتەکانى بڵاوبوونەوەى پەتاى کۆڤید_19 بە تایبەتى لە بوارى ئابووریدا تاوتوێ كرد، لەگەڵ قەیرانى دارایی کە دۆخێکى سەختى هێناوەتە ئاراوە و کاریگەرییەکى نەرێنى کردووەتە سەر ژیان و گوزەرانى هاووڵاتییان، هەروەها کێشەکانى هەرێمى کوردستان لەگەڵ حکوومەتى فیدراڵى عێراق گفتوگۆی لەبارەوە كرا لەگەڵ چۆنیەتی هەوڵى چارەسەرکردنیان.
هەردوولا جەختیان لە گرنگى و پێویستیى یەکڕیزى و تەبایى و هاریکاریى نێوان لایەن و پێکهاتەکانى هەرێمى کوردستان بۆ تێپەڕاندنى ئەم دۆخە و سەختییەکان و بەرەنگاربوونەوەى تەحەدییەکانى قۆناغەکە و داهاتوو کردەوە.
