چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
چەند بەرپرسێکی یەکێتی بۆ پشتیوانی لە گواستنەوەی مووچەی فەرمانبەرانی هەرێمی کوردستان لە ماوەی رابردوو سەردانی (بەغدا)یان کردوە، بەڵام وەڵامی حکوومەتی عێراق بۆ ئەوان و گروپی پەرلەمانتارە نەیارەکانی هەرێمی کوردستان ئەرێنی نەبووە.
سەرەڕای ئەوەی پەرلەمانتارانی لیژنەی یاسایی پەرلەمانی عێراق ئەوەیان روونکردوەتەوە کە پرسی گواستنەوەی مووچەی فەرمانبەرانی هەرێمی کوردستان نایاسایی و نادەستوورييه، بەڵام بەردەوام گروپی پەرلەمانتارە دژ بە بەرژەوەندیەکانی هەرێمی کوردستان موزایەدەی ئەوە دەکەن کە لە کارەکانیان بەردەوامن بۆ گواستنەوەی مووچەی فەرمانبەرانی هەرێمی کوردستان بۆ سەر بەغدا، ئەوەش لەکاتێکدا کە بەغدا ئامادەنیە 320 ملیار کە دەکاتە چارێگە مووچەی فەرمانبەرانی کوردستان بۆ ئەو مانگە بنێرێت و چەندین مانگی دیکەشی نەناردوە، چاودێرانی سیاسیش دەڵێن “بەغدا لە دۆخێکدا 320 ملیار دینار نەنێرێت، چۆن دێت 890 ملیاری مووچەی فەرمانبەرانی کوردستان دەدات، لەبەر ئەوە کاری ئەو پەرلەمانتارانە تەنیا بۆ موزایەده و خۆدەرخستنە”.
