چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
رێبوار تاڵه‌بانی سه‌رۆكی ئه‌نجومه‌نی پارێزگای كه‌ركووك سه‌باره‌ت به بابه‌ته كیشه له سه‌ره‌كانی نێوان هه‌رێم و به‌غدا بۆ به‌رنامه‌ی رۆژه‌ڤی كوردستان رایگه‌یاند : كه بارودۆخێكی نایاسایی و ناده‌ستووری له پارێزگای كه‌ركووك له ئارادایه ، جگه له ناسه‌قامگیری سیاسی و ناسه‌قامگیری ئه‌منی ، چه‌ندین كیشه‌ی دیكه‌ی گه‌نده‌ڵی ئابووری له‌و پارێزگایه‌و ده‌وروبه‌ری بوونی هه‌یه .
روونيشيكره‌وه كه ئێستا داعش باڵاده‌سته له‌ناوچه‌كه ، چونكه پرۆسه‌ی ته‌عریب كردن ئێستا به هه‌ماهه‌نگی هه‌موو لایه‌نه عه‌ره‌به‌كانه داعش و هێزه عه‌ره‌بیه‌كان و سوپا ، دژ به پرسی كورد كه‌وتوونه‌ته ته‌عریبكردنی ناوچه كوردییه‌كان هه‌روه‌ها زیانگه‌یاندن به به‌رووبوومه كشتوكالیه‌كانی جوتیارانی كه‌ركووك و ناوچه‌كانی ده‌وروبه‌ری . ئێستا داعش له هه‌موو كاتێك باڵا ده‌ستتره چونكه لایه‌نه‌كان و هاوكاری ده‌كه‌ن دژ به كورد .
رێبوار تاڵه‌باني راشيگه‌ياند كه داعش ته‌نها دژی كورد چالاكی ئه‌نجام ده‌دات ئه‌وه‌ش ئه‌وه ده‌گه‌یه‌نێت كه سوپا و حشد و داعش هه‌موویان هاوبه‌شن و یه‌ك پرۆسه‌یان هه‌یه له گه‌ڵ پاڵپشتی پارێزگای سه‌پێنراوی سه‌ر كه‌ركووك .
له دوای 16ی ئۆكتۆبه‌ر زیاتر له یه‌ك تریلیۆن دینار رووی له كه‌ركووك كردووه به‌ناوی مینحه‌یه‌ك بۆ ئه‌و ناوچانه‌ی كه زیانیان پێ كه‌وتووه .
به‌ڵام ئه‌گه‌ر واقیعی ناوچه‌كه بخوێنیینه‌وه نه له رووی ئه‌منی نه له رووی ئاوه‌دان كردنه‌وه هیچی بۆ كراوه و ئه‌و پاره‌یه‌ش زیاتر به هه‌ده‌ر ده‌درێت .
هه‌روه‌ها هه‌ڵوه‌شاندنه‌وه‌ی ئه‌نجومه‌نی پارێزگاكان له لایه‌ن په‌رله‌مانی عێراقه‌وه ئه‌ویش دیسانه‌وه زیانێكی گه‌وره‌ی به پارێزگاكان گه‌یاند به تایبه‌تی پارێزگای كه‌ركووك .
روونيشيكرده‌وه كه ئه‌ندامانی په‌رله‌مان ئه‌وانه‌ی نوێنه‌ری خه‌ڵكی شاری كه‌ركووكن ، چیان بۆ شاری كه‌ركووك كردووه و چاودێری چیان كردووه ، هیچ لێپرسینه‌وه‌یه‌كیان له گه‌ڵ به‌رپرسێكی ئه‌و شاره كردووه ؟ ئه‌كید نه‌خێر .
به شێوه‌یه‌كی گشتی مێژووی عێراقی 100ی ساڵه و دوای 2003 به‌دواوه‌ش هیچ حكومه‌تێكی عێراقی راستگۆ نه‌بووه له چاره‌سه‌ركردنی كیشه‌كانی كورد و ناوچه كیشه‌له‌سه‌ره‌كان .به‌رده‌وام هه‌وڵیان داوه كات له قازانجی خۆیان ته‌واو بكه‌ن .
فشارێكی سیاسییان له سه‌ره بۆ ئه‌وه‌ی دژایه‌تی كورد بكه‌ن .
به‌ڵام ئه‌گه‌ر یه‌ك هه‌ڵوێست و یه‌ك پلان و یه‌ك ستراتیژیه‌تیان هه‌بووایه نه‌یانده‌توانی به‌مشێوه‌یه ره‌فتار له گه‌ڵ كورد بكه‌ن
به‌ڵام سه‌رۆك كۆمار ده‌توانێت رۆڵی خۆی ببینێت چونكه سه‌رۆك كۆمار پارێزه‌ری ده‌ستووره ، به‌ڵام له ئێستاو له رابردووش سه‌رۆك كۆمار ئه‌و رۆڵه‌ی نه‌بینیوه .
