ئەو پەرلەمانتارە كوردە عێراقچییانەی ماوەیەكی زۆر هەوڵی ئاڵۆزكردنی پەیوەندییەكانی هەردوو حكوومەتی عێراق و هەرێمی كوردستانیان دەدا و زانیاریی ناڕاستیان بە بەرپرسانی عێراق دەدا، بە ڕێككەوتنەكەی هەردوو حكوومەتی هەرێمی كوردستان و عێراقی فیدراڵ تەنگەتاو بوون و هەریەكەی بە جۆرێك پاساو دەهێنێتەوە.
د.ڤیان سهبری، سەرۆكی فراكسیۆنی پارتی دیموكراتی كوردستان لە پەرلەمانی عێراق،راگەیاند: ”ماوهیهكی زۆر، ههندێك كهس و لایهن به بڵاو كردنهوهی ههواڵی چهواشهكارانه، هەوڵی تێكدانی پهیوهندیی ههولێر و بهغدایان دەدا، دواجار ههوڵهكانیان شكستی هێنا“.
ئەوەشی ڕوون كردەوە كە شكستهێنانی ئەم هەوڵە، وانەیەكە بۆ هەر كەسێك كە بیەوێت هەمان ڕێچكە بگرێتە بەر، تا هۆشیار ببێتەوە و دەست بۆ یارییەكی لەم شێوەیە نەبات. گوتیشی: ”ههرێمی كوردستان خاوهنی دهستوور و قهواره و حكوومهت و دامهزراوهی فەرمیی خۆیهتی، خهڵكانێك هەن دهیانهوێت خراپبوونی پهیوهندیی ههولێر و بهغدا بۆ بەرژەوەندیی خۆیان بقۆزنهوه و بیكهنه چهكێك بۆ دژایهتیكردنی ههرێمی كوردستان”.
سەرۆكی فراكسیۆنی پارتی جەختی كردەوە كە پەیوەندییە تەلەفۆنییەكەی نێوان هەردوو سەرۆك وەزیرانی هەرێمی كوردستان و سەرۆك وەزیرانی عێرافی فیدراڵ، بۆتە هۆی ئەوەی لێكتێگەیشتنێكی باش لە نێوان هەولێر و بەغدا دروست ببێت بە ئاراستەی چارەسەرکردنی کێشەکانی نێوان ھەردوولا“.