بزانه‌ ئه‌مریكا له‌ سه‌ردانی كازمی بۆ وڵاته‌كه‌ی چی لێداوا ده‌كات

كۆشكی سپی واده‌ی سه‌ردانه‌كه‌ی سه‌رۆك وه‌زیرانی عیراقی بۆ ئه‌مریكا و ئەنجامدانی گەڕی دووەمی گفتۆگۆکانی نێوان بەغدا و واشنتنی دیاری كرد.

كۆشكی سپی له‌ به‌یاننامه‌یه‌كدا رایگه‌یاند كه‌ مسته‌فا كازمی، سه‌رۆك وه‌زیرانی عیراق له‌ 20ی ئه‌م مانگه‌دا سه‌ردانی ئه‌مریكا ده‌كات.
له‌ به‌یاننامه‌كه‌دا باس له‌وه‌ش كراوه‌ كه‌ پرسه‌كانی ئاسایش و وزه‌ و ئابوری و ڤایرۆسی كۆرۆنا له‌ناو گفتوگۆكانی سه‌رۆك وه‌زیرانی عیراق و به‌رپرسانی واشنتندا تاوتوێ ده‌كرێن.

كازمی بۆ گه‌ڕی دووه‌می گفتوگۆكان له‌گه‌ڵ به‌رپرسانی ئه‌مریكا ده‌چێته‌ واشنتن، له‌ گه‌ڕی یه‌كه‌میشدا كه‌ له‌ دوو مانگی رابردوودا به‌ڕێوه‌چوو گفتوگۆ له‌سه‌ر هه‌مان ئه‌و پرسانه‌ و پرسی كشانه‌وه‌ی هێزه‌كانی ئه‌مریكا له‌ عیراق كرا.