چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
به‌هۆی شه‌ڕی نێوان ده‌وڵه‌تی داگیركه‌ری توركیا و په‌كه‌كه هاوڵاتیانی سڤیلی كوردستان زیاند مه‌ندی سه‌ره‌كین ،سه‌رۆكی حزبێكی كوردستان ده‌ڵێ، په‌كه‌كه و ده‌وڵه‌تی توركیا با شه‌ڕیان به‌رنه‌ماڵی خۆیان.
محه‌ممه‌د حاجی مه‌حموود سكرنێری گشتی حزبی سۆسیالیست دیموكراتی كوردستان، ڕایگه‌یاند:” پێویسته په‌كه‌كه و ده‌وڵه‌تی توركیا شه‌ڕ و ئاژاوه به‌رنه‌ماڵی خۆیان و ئه‌و شه‌ڕه له‌سه‌ر خاكی باشووری كوردستان دووربخاته‌وه.
محه‌ممه‌د حاجی مه‌حموود ده‌ڵێ، ده‌وڵه‌تی توركیا ده‌زانێت په‌كه‌كه هه‌رێمی دروستكردووه له سه‌ر خاكی باشوری كوردستان و ده‌ی ئه‌و حه‌قه‌ش به‌خۆی ده‌دات ئه‌رز و ئاسمانی كوردستان بۆم باران بكات و هاوڵاتییانی سڤیل ده‌بنه قوربانی له‌ده‌رئه‌نجامدا.
ئاماژه‌ی بۆ ئه‌وه‌شكرد له ساڵی 1984 ڕێكه‌وتن له نێوان ده‌وڵه‌تی عێراق و توركیا هه‌یه هێزی سوپایی توركیا هه‌ركاتێك بیه‌وێت ده‌توانێت له ئاسمان و خاكی عێراق هێرش بكاته سه‌ر هێزه‌كانی په‌كه‌كه له باشووری كوردستانه‌وه، ئێستاش به‌و ڕێكه‌وتنه توركیا به‌ردوامه له‌سه‌ر هێرشه‌كانی.
