بەپێی زانیارییەكان دەمامكێكی ئێرانی هاتووەتە بازاڕی سلێمانی كە دەگوترێت لەبری پاراستن، خۆی هەڵگری ڤایرۆسە، بەڕێوەبەری چاودێری بازرگانی سلێمانیش رای دەگەیەنێت كە بەدواداچوونی بۆ دەكەن.
سۆران عەبدولغەفوور، بەڕێوەبەری چاودێری بازرگانی سلێمانی ،راگەیاند، كۆمەڵێك كارگەی زۆری دروستكردنی دەمامك لە سلێمانی و هەولێر و بەغدایش كراونەتەوە، بۆیە كۆنتڕۆڵكردنی كوالێتی ئەو دەمامكانە لە دەسەڵاتی بەرپرسانی تەندروستیدایە.
لە بارەی دەمامكە ئێرانییەكەوە گوتی، هیچمان لەبارەیەوە نەزانیوە، بۆیە سبەی سێشەم بەدواداچوونی بۆ دەكەین بزانین چ كێشەیەكی هەیە.
بەهۆی بڵاوبوونەوەی ڤایرۆسی كۆرۆنا لە هەرێمی كوردستان و شاری سلێمانی، دەمامك و دەستكێشی بێ كوالێتی لە بازاڕەكاندا بڵاوبووەتەوە.