چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
مەسرور بارزانی شەقامی خەونەكانی كرد بە ڕاستی
خەڵكی كۆیە دڵخۆشن وردەكاری لە كۆمێنتە
یەكێك لەو خەونانەی خەڵكی كوردستان كە مەسروور بارزانی سەرۆكی حكوومەتی هەرێمی كوردستان كردی بە راست، پڕۆژەی جووتسایدی كۆیە- هەولێر بوو. پڕۆژەكە ئێستە زیاتر لە 40%ی تەواو بووە.
خەڵكی كوردستان بیرییەتی لە چەند ساڵی رابردوودا بە رێیەكانی كوردستاندا هاتوچۆیان دەكرد، خەیاڵ و خەونی شەقامی نوێ و جوانیان دەبینی، ئەوە مەسروور بارزانی بوو هات و سەردەمێكی زێڕینی لە پڕۆژەكانی رێگاوبان دەست پێ كرد.
بە پێی دوایین ئامارەكانی تایبەت بە پڕۆژەكە، تا ئێستە 40%ـی كارەكان تەواو بوون و چاوەڕوان دەكرێت لە ماوەی ساڵ و نیوێكی داهاتوودا پڕۆژەكە بە تەواوی كۆتایی پێبێت.
ئومێد خۆشناو پارێزگاری هەولێر رای گەیاند، پڕۆژەكە بە تەواوی لە لایەن كۆمپانیا و ئەندازیارانی ناوخۆییەوە جێبەجێ دەكرێت، ئەمەش وەك نیشانەیەك بۆ متمانەكردن بە توانای ناوخۆیی.
بە تەواوبوونی ئەم رێگەیە، ماوەی نێوان هەولێر و كۆیە بۆ 20 خولەك كەم دەبێتەوە، هاوكات ئاستی سەلامەتیی رێگەكە بە شێوەیەكی بەرچاو بەرز دەبێتەوە كە ئەمەش دەبێتە هۆی كەمكردنەوەی رووداوەكانی هاتوچۆ.
لە قۆناغی یەكەمدا درێژییەكەی 37 كیلۆمەترە و پێكهاتووە لە دروستكردنی 6 ئۆڤەرپاس (بەرزەپرد)، 4 ژێرپرد، پردێكی گەورە بە درێژیی 250 مەتر و پردێكی دیكە بە درێژیی 90 مەتر. جگە لەمەش، 160 ئاوبەری كۆنكرێتی، دانانی هێماكانی هاتوچۆ، پەرژینی سەلامەتی و دابینكردنی رووناكی بۆ بەرزەپرد و ژێرپردەكان لەخۆدەگرێت.
هاوكات لە قۆناغی دووەم، درێژییەكەی 11 كیلۆمەترە و رێگەكە بە شەقامی 60 مەتریی كۆیە و بازگەی تۆپزاوە دەبەستێتەوە.
