چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
ئەمڕۆ سێشەممە 21ی نیسانی 2026، مەسرور بارزانی سەرۆکی حكوومەتی هەرێمی کوردستان، سەردانی پارێزگای دهۆکی کرد و لەگەڵ بەرپرسانی ئیداریی پارێزگاکە کۆ بووەوە و جەختی لە خزمەتكردنی هاووڵاتییان و گرنگیپێدانی زیاتری پڕۆژەكان كردەوە.
عەلی تەتەر، پارێزگاری دهۆک، لە هەژماری تایبەتیی خۆی لە تۆڕی کۆمەڵایەتیی (فەیسبووک) بڵاوی کردووەتەوە، لەمیانی دانیشتن و کۆبوونەوەکەدا، مەسرور بارزانی، سەرۆكی حكوومەتی هەرێمی كوردستان جەختی لە خزمەتکردنی هاووڵاتییان و گرنگیپێدانی زیاتری پڕۆژە خزمەتگوزارییەکان کردەوە.
هەروەها سەرۆکی حكوومەت ئاماژەی بە پێویستیی ڕێزگرتن لە سەرجەم هاووڵاتییان کرد، بەتایبەت ڕێزگرتن و خزمەتکردنی بنەماڵەی سەربەرزی شەهیدان و تێکۆشەران کە ئەرکێکی لەپێشینەیە.
