پارێزگاری هەولێر تکایە ئەو شوێنە چۆلکەن

ئومێد خۆشناو، پارێزگاری هەولێر، ڕاگەیاند:” سەرەڕای لێدوان و ئاگادارکردنەوەی پێشوومان، بەداخەوە جارێکی تر هێرشی درۆن کرایەوە سەر هەمان کۆگای ڕۆنی ئۆتۆمبێل، کەلە بەیانییەوە ئەوە چوارەمین درۆنە ئاڕاستەی ئەو شوێنە دەکرێت.

بۆ پاراستنی گیانی هەمووان، فەرمانمان بە هێزەکانی ئاسایش، پۆلیس و تیمەکانی بەرگری شارستانی کردووە لەشوێنی ڕووداوەکە دووربکەونەوە.

لێرەشەوە جارێکی تر داوا لە هاوڵاتیانی خۆشەویست و دەزگاکانی ڕاگەیاندن دەکەین، لە پێناو سەلامەتی خۆیان، بە هیچ شێوەیەک لە نزیک ئەو ناوچەیە نەمێننەوە و شوێنەکە چۆڵ بکەن.”