چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
سەرۆک بارزانی: پێویستە مافەكانی گەلی كورد لە سووریا گەرەنتی بكرێن
ئەحمەد شەرع: ڕەچاوی مافەكانی كورد و پاراستنیان لە سووریا دەكرێت
ئێوارەی ڕۆژی یەكشەممە 18ـی 1ـی 2026 سەرۆک مەسعود بارزانی پەیوەندییەكی تەلەفۆنیی لە ئەحمەد شەرع، سەرۆكی سووریاوە پێگەیشت.
لەو پەیوەندییە تەلەفۆنییەدا باس لە دوایین پێشهاتەكانی سووریا كرا و سەرۆک شەرع وێڕای باسكردنی ناوەڕۆكی ڕێككەوتننامەی لەگەڵ هەسەدە، جەختی لەوە كردەوە كە ڕەچاوی مافەكانی كورد و پاراستنیان لە سووریا دەكرێت و كێشە و گرفتەكان بەپێی ڕێككەوتنەكان چارەسەر دەكرێن.
هەرلەو پەیوەندییەدا سەرۆک بارزانی تەئكیدی لە پێویستیی گەرەنتیكردنی مافەكانی گەلی كورد كردەوە و هەروەها دەرچوونی مەرسوومی سەرۆكی سووریا لەبارەی مافەكانی كورد بە هەنگاوێكی دروست لە قەڵەم دا كە دەكرێ بۆ مافەكانی كورد لە سووریا بنەماییەكی پتەو و ئیجابی لەسەر بونیاد بنرێت.
