چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
گۆشتفرۆشی (باوکی حکمەت)، گۆشتی رێوی کێوی فرۆشتووە بە هاووڵاتییان و لەلایەن قایمقامی هەولێرەوە بڕیاری داخستنی شوێنەکەی دراوە و تەواوی کارمەندان و خاوەن چێشتخانەش ڕووبەڕووی یاسا دەکرێنەوە.
ئەمڕۆ چوارشەممە، لە هەڵمەتێکی لیژنە هاوبەشەکانی قایمقامیەتی قەزای ناوەندی هەولێر، دەستبەسەر شوێنێکی گۆشتفرۆشتندا گیرا کە کارێکی نایاسایی ئەنجامداوە.
قایمقامیەتی هەولێر ڕایگەیاند، گۆشتفرۆشی (باوکی حکمەت) بە نهێنی و بەدەر لە یاسا و ڕێنماییە تەندروستییەکان، ئاژەڵی کێوی لە جۆری (ڕێوی) سەربڕیوە و گۆشتەکەی بە هاوڵاتییان فرۆشتووە.
بە چاودێری نەبەز عەبدولحەمید، قایمقامی هەولێر، دەستبەجێ بڕیاری داخستنی شوێنەکە درا. ئاماژە بەوەش دراوە کە ڕێوی کێوی بەشێکە لە سامانی سروشتی کوردستان و سەربڕینی قەدەغەیە، بۆیە خاوەنی شوێنەکە و ئەو کەسانەی تێیدا کاریان کردووە، ڕووبەڕووی ڕێکاری توندی یاسایی کراونەتەوە.
