چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
بەڵگەی نایاسایی بوونی بڕیارەکەی تەیف سامی بڵاو کرایەوە
ئامانج رەحیم سکرتێری ئەنجوومەنی وەزیرانی کوردستان بەڵگەنامەیەکی بڵاو کردەوە و تێیدا هاتووە، ئەمەی خوارەوە وەرگێڕانی کوردی دەقی ئۆڕجناڵی بڕگەی (شەشەم)ە لە لاپەڕەی (١٥) لە بڕیاری دادگای باڵای فیدراڵی ژمارە (٢٢٤ و موحدتها ٢٦٩/ اتحادية/ ٢٠٢٣) لە ٢١-٢-٢٠٢٤ کە بڕیارێکی ملزمە بۆ هەموو دەسەڵاتەکان ونابێت هیچ یاسا و بڕیار ونووسراوێک پێچەوانەی ئەمە دەربچێت:
(شەشەم: ناکۆکی نێوان حکومەتی فیدراڵی و حکومەتی هەرێم دەربارەی جێبەجێکردنی ماددەکانی یاسای بودجەی گشتی فیدراڵی کۆماری عێراق ژمارە (١٣)ی ساڵی ٢٠٢٣، و بە تایبەتی هەردوو ماددەی (١٢ و ١٣)ی یاساکە، نابێت ببێتە هۆکاری سەرەکی خەرجنەکردنی مووچەی مانگانەی فەرمانبەران و خانەنشینان و سوودمەندانی تۆڕی پاراستنی کۆمەڵایەتی لە هەرێم لە کاتی دیاریکراوی خۆی.)
تێبینی:
هەردوو ماددەی ١٢ و١٣ ی یاسای بودجە پەیوەندیدارە بە داهاتی نانەوتی و پابەندیی نەوتی هەرێم، کە هەردوو حکومەت ناکۆکیان هەیە لەسەر چۆنیەتی جێبەجێکردنی هەردوو ماددەکە.
