بە فەرمی داوای زیادكردنی پشكی هەرێم لە بودجەی فیدراڵی كرا

سیپان شێروانی، ئەندامی ئەنجوومەنی نوێنەرانی عێراق، دەڵێت: “دوای ڕاگەیاندنی ئەنجامی سەرژمێریی گشتی عێراق و چەسپاندنی ئەنجامەكان، ژمارە و ڕێژەی دانیشتوانی هەرێم لە عێراقدا بەدیاركەوت. ئەمەش دەری دەخات دانیشتوانی هەرێم ڕێژەكەی نزیكەی 15% ی دانیشتوانی عێراقە، ئەمەش لە كاتێكدایە كە لە یاسای بودجەی فیدراڵی سێ ساڵە، ژمارەی دانیشتوانی هەرێم و پشكی هەرێم بە 12.67% مەزەندە كرابوو.”

بۆیە بە فەرمی نووسراومان ئاراستەی محەمەد شیاع سوودانی، سەرۆكوەزیرانی فیدراڵی كرد و داوامان كردووە بۆ پشكی هەرێم لە خشتەكانی بودجە بۆ ساڵی 2025 پشت بە ئەنجامی سەرژمێریی گشتی ببەستێت، ئەمەش پاڵپشت بە بڕگەی سێیەمی ماددەی 121 لە دەستووری عێراق.”