چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
مەحموود محەممەد، گوتەبێژی پارتی دیموکراتی کوردستان لەبارەی پرسی مووچە و ناڕەزایی بەناو مانگرتوان ڕایگەیاند:ناڕازایەتی و ڕێپێوان ڕێگەی پێدراوە، بەڵام کات و هۆکار و ئاراستەكەی جێگەی پرسیارن، ئەوەی مانگرتوان داوای دەکەن حکوومەتی هەرێمی كوردستان و سەرۆكایەتیی هەرێم لەمێژە لەگەڵ بەغدا هەوڵی چارەسەرکردنی دەدەن.
دەشڵێت: ئاستەنگی گەورە بەهۆی حكوومەتی عێراقەوەیە، كە كێشەی مووچەی مووچەخۆرانی هەرێمی كوردستانی چارەسەر نەكردووە و خەڵكی كوردستان پێیەوە دەناڵێنن، بۆیە ڕامان وایە دەبێ حكوومەتی عێراق بێتە سەر هێڵ و چارەسەری كێشەكان بكات.
