چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
وەزارەتی كارەبا رایگەیاند “لە چوارچێوەی هەوڵەکانی حکوومەتی هەرێمی کوردستان بۆ دابینکردنی کارەبای 24 کاتژمێری، وەزارەتی کارەبا لە ڕێگای پڕۆژەی ڕووناکییەوە کارەبای نیشتیمانی 24 کاتژمێری بۆ 8 گەڕەکی دیكەی شاری هەولێر دابین دەکات.
راشیگەیاند “گەڕەكاكان بریتین لە (کوڕان، ڕزگاری، کوردستان، بەهار، کرێکاران، ئازادی، ماجیداوە و ڕاستی) كە زیاتر لە 28 هەزار هاوبەشی کارەبا لەخۆگرتووە.
پێشتر كارەبای هەریەك لە گەڕەکەکانی (شادی، بەهاری نوێ، نازناز، بەختیاری و سەربەستی) بە 22 هەزار هاوبەشەوە کرابوونە 24 کاتژمێری، بەمەش بەمشێوەیە بەکۆی گشتی 50 هەزار هاوبەش لەم خزمەتگوزارییە سوودمەند دەبن.
هاوتەریب لەگەڵ شاری هەولێر، کارە تەکنیکییەکان لە هەردوو پارێزگای سلێمانی و دهۆک دەستی پێ کردووە و لە چەند هەفتەی داهاتوودا چەند گەڕەکێک لەو پارێزگایانە دەکرێن بە کارەبای 24 کاتژمێری.
