چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
لە هەولێر باندێكی پێنج كەسی دەستگیركران كە ماتۆڕسكیلیان دەدزی و بەپارەكەی ماددەی هۆشبەر و كاری خراپیان ئەنجام دەدا.
بەگوێرەی راگەیەنراوی پۆلیسی هەولێر، باندە پێنج كەسییەكە پێكهاتوون لە (ا. ح. ص) و (ا. ح. م) و (ا. م. ر) و (د. م. ح) و (ش. ع. خ).
تۆمەتبارەكان کە چواریان پیاو و یەکێکیان ئافرەتە و دانیشتووی هەولێرن، دانیان ناوە بە تاوانەکانیان کە ئەو پارەیەی لە دزینی ماتۆڕسکیل دەستیان کەوتووە، لە ماددەی هۆشبەر و کاری خراپ بەکاریان هێناوە.
تۆمەتبارەكان هەروەها دوای دەستگیركردن، دانیان بەوە دانا کە تۆمەتبارە ئافرەتەکەیان لەناو کابینەیەکدا جێهێشتووە و دەرگاشیان لەسەر داخستووە، هەربۆیە پۆلیس بەزوویی چووە شوێنی مەبەست و ئافرەتەکەی ڕزگار کرد.
