چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
بافڵ تاڵەبانى لە شکستى گەورە دەترسێت، وردەکارى لە کۆمێنتە
هاوار محه‌مه‌د، شارەزای بواری هەڵبژاردن، راگەیاند:” بافڵ تاڵەبانی و یەكێتی دوو ساڵ هەڵبژاردنی پەرلەمانی کوردستانیان دواخست. یەكێك لە ئامرازەكانی دواخستنەكە رێواز فایەق بوو بوو، لە ڕێگەی ئەوەوە نەیانهێشت یاسای هەڵبژاردن هەموار بكرێتەوە لە كاتی یاسایی خۆیدا، چونكە لە شكست دەترسان.
ڕوونی كردەوە كە رێواز فایەق كەسێكی سەركەوتوو نەبوو لە ئیدارەدانی دانیشتنەكانی پەرلەمان، هیچ هەوڵێكی نەدا بۆ ئەوەی كۆدەنگییەك دروست بكرێت لەسەر تێپەڕاندنی یاسای هەڵبژاردن، بەهۆی شكستخواردوویی ئەوەوە دۆخەكە بەمڕۆ گەیشت.
ئێستاش پارتی ناچێته ناو هاوكێشه‌ی هه‌ڵبژاردنێكه‌وه كە پێشوه‌خته هه‌موو شتێكی بۆ دیاری كرابێت، یەكێتی بە پشتیوانی و پیلانی ده‌ره‌كی، سەرۆکی کۆمسیۆنیان گۆڕی بە کەسێکی ژێر فەرمانی خۆیان.
دەڵێ: ئەو دیزاینە دەرەكییە نەبێت، قەبارەی یەكێتی و بافڵ تاڵەبانی هەر بەقەد حزبەكەی عەلی باپیر دەبێت. پارتی دژی ئەنجامدانی هەڵبژاردن نییە، بەڵكوو لە هەموان زیاتر پەرۆشە بۆ هەڵبژاردنێكی پاك و بێگەرد كە گەرەنتیی مافی خەڵكی كوردستان بكات.
