ئەمڕۆ سێشەممە دادگای باڵای فیدراڵیی عێراق لە ڕوونكردنەوەیەكدا دانی بەوەدا ناوە كە جێگیركردنی مووچەی فەرمانبەران كاتی دەوێ و داواشی لە وەزارەتی دارایی حكوومەتی فیدراڵی كردووە، كە تا ئەو کاتەی پرۆسەکە تەواو دەبێ، مووچەی فەرمانبەرانی هەرێمی كوردستان بدات.
لە ڕوونكردنەوەكەدا هاتووە كە پێویستە هەردوو وەزارەتی دارایی عێراق و هەرێمی کوردستان پەلە لە جێگیركردنی مووچەدا بکەن، بۆ ئەوەی مافی فەرمانبەرانی هەرێمی کوردستان نەفەوتێ.
ئەوەشی دووپات كردووەتەوە كە پێویستە وەزارەتی دارایی حكوومەتی فیدراڵی مووچەی ئەو فەرمانبەرانە بدات کە لەبەر هۆکاری تەکنیکیی، تا ئێستا هەژماری بانکییان بۆ دروست نەكراوە.