چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
گوتەبێژی حكوومەتی هەرێمی كوردستان باسی لە گرنگیدانی سەرۆك وەزیرانی هەرێمی كوردستان بە بابەتی گۆڕانكارییەكانی بواری كەشواهەوا كرد و جەختی كردەوە كە مەسرور بارزانی وەك تاكە سەركردە لە ناوچەكەدا، هەنگاوی كرداری بۆ ئەم پرسە ناوە.
پێشەوا هەورامانی، گوتەبێژی حكوومەتی هەرێمی كوردستان، لە پێگەی خۆی نووسینێكی بڵاو كردەوە و تێیدا ئاماژەی بەوە كرد، بەشداریكردنی مەسرور بارزانی، سەرۆك وەزیرانی هەرێمی كوردستان لە لووتكەی جیهانیی كەشوهەوا، ”بەشدارییەکی تەشریفاتی نییە و ئەم بابەتە لەناو دیدگای بەڕێزییان بە گرنگییەوە کاری بۆ دەکرێت.“
ڕوونیشی كردەوە: ”سەرۆک وەزیران وەک تاکە سەرکردە لەم ناوچەیەدا، هەنگاوی کرداری بۆ ئەم پرسە ناوە و هەم لە نووسینگەکەی خۆی هەم لە کابینەکەیدا گۆڕانکارییەکانی کەشوهەوا جێی بایەخن و لە ماوەی ڕابردوو کاری زۆر باش کراون بە مەبەستی ژینگەپارێزی.“ كە یەك بە یەك ئامااژەی بەو هەنگاوانە داوە، ئەوانیش بریتین لە:
1- لە مانگی ئابی ساڵی 2021، حکوومەتی هەرێمی کوردستان بڕیاری دا سووتاندنی غاز لە سەرجەم پالاوگەکانی نەوت لە سەرتاسەری هەرێمی کوردستان قەدەغە بکرێت، دەستبەجێ بڕیارەكە جێبەجێ بکرێت، رۆژانە زیاتر لە 150 ملیۆن پێ سێجا غاز دەسووتێندرا، بەهۆی نیگەرانییەکانی ژینگە و کەشوهەوا، حکوومەت بە تەواوی ئەو کارەی قەدەغە کرد.
2- لە مانگی ئایاری ساڵی 2023، مەسرور بارزانی، سەرۆکی حکوومەتی هەرێمی کوردستان بەردی بناغەی گەورەترین وێستگەی وزەی خۆری لە هەرێمی کوردستان دانا، پرۆژەکە بە بڕی 100 ملیۆن دۆلار بە توانای 25 مێگاوات ئەنجام دەدرێت، بڕیارە لە ساڵی 2024 تەواو بکرێت.
3- کابینەی نۆیەم زیاتر لە 100 پۆندی لە سەرانسەری هەرێمی کوردستان دروستکردووە بۆ گلدانەوەی ئاوی باران، ئەم پۆندانە وەک رزگارکەری ئاو بۆ مانگەکانی هاوین کار دەکەن، كێڵگە کشتوکاڵییەکان و کەرتی ئاژەڵداری دەپارێزن جگە لەوەی رێگری لە لافاو و تێکدانی زەوییە کشتوکاڵییەکان دەکات.
4- لە مانگی تشرینی یەکەمی ساڵی 2023 سەرۆکی حک,ومەتی هەرێمی کوردستان کارگەیەکی پێشکەوتووی ریسایکلینی قیڕی لە هەولێر کردەوە، کارگەکە بە گوێرەی ستانداردی ژینگەیی هاوچەرخ دروست کراوە و یەکەم کارگەیە لە جۆری خۆی لە عێراق و هەرێمی کوردستان بکەوێتە کار.
