چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
مەسرور بارزانی، سەرۆکی حکوومەتی هەرێمی کوردستان، لە ئەکاونتی تایبەتی خۆی لە فەیسبووک ڕایگەیاند: ئەمڕۆ، پێشوازیمان بەڕێز جۆن کووپەر و شاندێکی یاوەری کرد کە لە ژمارەیەک لە ئەندامانی ئەنجوومەنی شارەکە و سەرۆک و ئەندامانی بۆردی دەستەخوشکی شاری ناشڤیل پێک هاتبوو.
ئاماژەی بەوەش داوە: گفتوگۆمان لەبارەی پەرەپێدانی پەیوەندییەکانی نێوان هەرێمی کوردستان و ویلایەتە یەکگرتووەکانی ئەمریکا، بەتایبەتی هەولێر و ناشڤیل کرد، بەتایبەتی لە بواری کولتووری و خوێندن، کە لە ماوەیەکی نزیکدا دەبن بە دوو شاری دەستەخوشک، هەروەها ڕۆڵی ئەرێنیی ڕەوەندی کوردستانیی نیشتەجێی شاری ناشڤیل بەرز نرخێنرا .
مەسرور بارزانی دەشڵێت: شاندی شاری ناشڤیل خۆشحاڵیی خۆیان بە سەردانی هەرێمی کوردستان دەربڕی و ئامادەیی خۆیان بۆ ئەنجامدانی چەندین پڕۆژەی هاوبەش لەگەڵ شاری هەولێر دووپات کردەوە.
