چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
وەزیری دارایی هەرێم رایگەیاند، سەرەڕای بڕیارەکەی دادگای فیدراڵی بۆ راگرتنی رەوانەکردنی پارە بۆ هەولێر، حکومەتی هەرێم بەردەوام دەبێت لە دابینکردنی موچە و پێداویستیەکانی خەڵکی کوردستان.
وەزیری دارایی ئاماژەی بەوەکردوە، “بڕیارەکەی دادگای فیدراڵی بەنیسبەت حکومەتی هەرێم و حکومەتی عێراقیشەوە چاوەڕواننەکراو بوەو پێچەوانەی ئەو ڕێکەوتن و لێکتێگەیشتنانە بوە کە لەنێوان هەردولادا هەبوە لە سەر پرسی بودجە، نەوت، مادەی 140 و هەندێک پرۆژەیاسای تر.
ئەوەشی خستوەتەڕو، “وەک حکومەتی هەرێم باوەڕمان بەچارەسەری کێشەکانە بەڕێگای گفتوگۆ، لەو چوارچێوەیەشدا نیەت و هەوڵی باش لەهەردولاوە هەیە و چاوەڕێی دەرچەو هەنگاوی نوێین لە لایەن حکومەتی عێراقەوە بۆ ناردنی بەشە بودجەی هەرێم تا دەرچونی یاسای بودجە لەپەرلەمانی عێراق.
