مەسرور بارزانی دامەزراوەیەكی گرینگی ڕاگەیاند
بەرێز مهسرور بارزانی سهرۆكی حكوومهتی ههرێمی كوردستان له ڕێوڕهسمێکدا ئهنیستیتۆتی داهێنان و نوێگهریی كوردستان (KII) راگهیاند.
بە ئامادەبوونی نێچیرڤان بارزانی سهرۆكی ههرێمی كوردستان و مەسرور بارزانی سهرۆكی حكوومهتی ههرێمی كوردستان، رێوڕەسمی پەیمانگەی نوێگەری و داهێنانی کوردستان لە هەولێر بەڕێوەدەچێت.
مهسرور بارزانی، سهرۆكی حكوومهتی ههرێمی كوردستان له ڕێوڕهسمی راگهیاندنی پەیمانگەی نوێگەری و داهێنانی کوردستان رایگهیاند: ئەمڕۆ یادی 238 ساڵەی دامەزراندنی شاری سلێمانیی خۆشەویستە، بەم بۆنەیەوە پیرۆزبایی لە خۆمان و خەڵكی سلێمانی و هەموو كوردستانیان دەكەم.
مهسرور بارزانی راشیگهیاند: پێگەی شاری سلێمانی لە مێژووی خەبات و تێكۆشانی گەلەكەماندا بەرچاو و بەرجەستەیە، شاری هەڵمەت و قوربانی و پایتەختی رۆشنبیریمان شایستەی باشترین خزمەتە، هیوادارین بە هاوكاریی دڵسۆزانی گەلەكەمان، نیگەرانییەكانی خەڵكی ئەم شارە بڕەوێنینەوە و دوور لە دەستوەردانی حزبی و تاكڕەوی، یاسا سەروەر بێت و هەموو بەربەستەكان بەلاوە بنێین تاوەكوو بتوانین لە ڕووی ئیداری و ئاوەدانی گرنگییەكی زیاتر بە سلێمانی بدەین كە لە ئاست پێگەی رەسەنی ئەم شارە بێت. جارێكی تر پیرۆزە لە هەموومان.
ههر له ڕێوڕهسمی راگهیاندنی پەیمانگەی نوێگەری و داهێنانی کوردستان، مهسرور بارزانی، سهرۆكی حكوومهتی ههرێمی كوردستان، لهبارهی بۆردومانی كۆیه و زڕگوێز رایگهیاند: بەداخەوە ئەم بەیانییە دیسان جارێكی تر بیستمان كە شاری كۆیە و زڕگوێز بەر شاڵاو و پەلاماری مووشەكەكان كەوتوون و هەندێك شەهید و برینداریش گەیەندراونەتە نەخۆشخانەكان، لە لایەك ئیدانەی ئەم دەستدرێژییە و پێشێلكردنی خاكی عێراق و هەرێمی كوردستان دەكەین، لە هەمان كاتدا تەمەنای چاكبوونەوە بۆ بریندارەكان دەخوازین و ئارەزووش دەكەین كە شەهیدەكان جێگەیان بەهەشت بێت.