چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
دژەتیرۆری کوردستان ئاشکرای دەکات کە ئەمڕۆ سێشەممە 04ـی 10ـی 2022 لە هێرشێکی فڕۆکەی بێفڕۆکەوانی تورکیا دوو چەکداری پەکەکە کوژران و چەکدارێکی دیکەشیان برینداربوو.
لە ڕاگەیەنراوێک دژەتیرۆری کوردستان ڕایگەیاند: فڕۆکەی بێفڕۆکەوانی سوپای تورکیا ئۆتۆمبێلێکی چەکدارانی پەکەکەی کرد ئامانج و بەهۆیەوە دوو چەکداری پەکەکە کوژران و چەکدارێکی دیکەش بریندار بوو
ڕاشیگەیاند: بەپێی زانیارییەکانمان کاتژمێر 02:35ـی ئەمڕۆ سێشەممە، فڕۆکەی بێفڕۆکەوانی سوپای تورکیا لە ناحییەی زەلانی سەر بە قەزای شارباژێڕ لە پارێزگای سلێمانی ئۆتۆمبێلێکی چەکدارانی پەکەکەی کردە ئامانج و بەهۆیەوە دوو چەکداری پەکەکە کوژراون و چەکدارێکی دیکەش بریندار بوو.
